தமிழக மீனவரை சுட்டது கடற்படை இல்லையாம், மூன்றாம் தரப்பாம்.. இலங்கை தூதரகம்

தமிழக மீனவர் ஒருவர் நேற்று முன்தினம் இலங்கைக் கடற்படையினரால் சுட்டுக் கொல்லப்பட்ட தகவலை இலங்கை மறுத்துள்ளது.

கச்சத்தீவுப் பகுதியில் இவ்வாறான சம்பவம் ஒன்றில் இலங்கைக் கடற்படையினர் ஈடுபடவில்லை என சென்னையில் உள்ள இலங்கையின் உதவி உயர்ஸ்தானிகரகம் தெரிவித்துள்ளது. இந்த சம்பவத்தை உடனடியாக இலங்கையின் கடற்படையினரின் கவனத்திற்கு கொண்டு வந்தபோது இலங்கைக் கடற்படையினர் குறித்த சம்பவம் தம்மால் மேற்கொள்ளப்படவில்லை எனத் தெரிவித்துள்ளதாகச் சென்னையின் இலங்கை உதவி உயர்ஸ்தானிகரகம் குறிப்பிட்டுள்ளது. இந்தநிலையில் குறித்த சம்பவத்திற்கு மூன்றாம் தரப்பு ஒன்று காரணமாக இருக்கலாம் என இலங்கை உதவி உயர்ஸ்தானிகரகம் குறிப்பிட்டுள்ளது